Førjuls-stemning på Basken
søndag, desember 13th, 2009
Tradisjonen tru, avsluttar Basken til jul med flatbrødbaking onsdag den 16. desember.
Her er oppskrifta me bruker:
7,5 dl byggmjøl
7,5 dl sammalen, fin kveite
ca. 2,5 dl rug
kveitemjøl (eller byggmjøl) til utbaking
1 ts. salt
8-9 dl sur skumma mjølk
1 ss. mørk sirup
Bland mjølet. Ha i salt, sirup og væske. Arbeid deigen godt så den blir fin og seig. Då er den god å kjevle.
Del opp deigen i emne og kjevle til runde leivar. Steik på takke som ikkje er feit. Bruk gjerne bakstetrille så leiven ikkje kryp saman og blir tjukk. Steik på begge sider ved middels varme. Flatbrødet skal bli turt og sprøtt.