Tilbod Basken
Basken er eit tilbod til ungar i Ål kommune i aldersgruppa 4-8 år.
Formål:
Formålet med Basken er å gje deltakarane ei innføring i og kjennskap til lokal tradisjon. Dette omfattar musikk, song, dans, dialekt, mat, drakt, dekorasjon, reiskap, historie og segner.
Organisering:
Basken er eit samarbeidsprosjekt mellom Ål kommunale kulturskule og Ål spel- og dansarlag. To lærarar er tilsett av kulturskulen. Temainstruktørar vert engasjert av spel- og dansarlaget i samråd med lærarane.
Praktisk gjennomføring:
Ungane kan gå i Basken i inntil 3 år. Basken fylgjer skuleåret og skuleruta, men med oppstart i september og avslutning i mai. Undervisninga vert organisert og gjennomført som gruppeundervisning i 30 vekentlege samlingar á 45 minutt.
Deltakarane vert, om nødvendig og ynskjeleg, delt i to grupper:
- Vesle-Basken for dei som fyller 4 og 5 år i haustsemester-året.
- Store-Basken for dei som fyller 6-8 år i haustsemester-året (dvs. 1.-3. klassingar)
Kvar gruppe kan ha max. 15 deltakarar.
Lærarane er fagleg ansvarlege for gjennomføring av samlingane saman med evt. temainstruktør(ar).
Innhald:
Faste postar/samlingar:
- Omvisning i bygdearkivet
- Flatbrødbaking i desember (med foreldrehjelp)
- Ei samling med eventyr/segner/drama pr. månad
- (viss det er to grupper: fellessamling for begge gruppene kvar månad etter jul)
- vårtur til Bygdamuseet
- Opptreden på ”bygdamønstringa” under Den Norske Folkemusikkveka
Mønster for samlingane:
- velkomen – namnesong
- song/songdansar, repetisjon og innlæring av nye, ca. 10 min.
- tema ca. 20-30 min.
- evt. teikning ca. 10 min.
- avslutningssong: ”Lev vel”
Aktuelle tema:
Song, songleikar og songdansar
Eventyr og segner
Dramatisering
Lausdans (halling)
Rosemåling/draktsaum
Dialekt – hallingmålet
Instrument: torader/trekkspel, hardingfele, langeleik, munnharpe, lur og bukkehorn, seljefløyte, slåttetromme, skeier
Handverk:
- frå ull til klede
- plantefarging
- frå korn til brød
- tegebinding
- takkebakst